नेपाल राष्ट्र बैंकले ६ अर्ब रुपैयाँको विकास ऋणपत्र बिक्री गर्ने, अपरान्ह ३ बजे बोलकबोल हुने...!
![](https://blogger.googleusercontent.com/img/b/R29vZ2xl/AVvXsEh2mIPs4vx2MakVXpIV_7n7WXwACDt6goGdKkR5rmNXVzq4ZtwLIGCkqjn3lnZJmXihmqSxKetUTCYv8h09-5cFgsfY4pBhc1ikSAIIgpsAcsw6a1T0PuDu_vqv88O0JAwIivZey_D8_Tht/s640/rastrarastrabank.jpg)
- बैंकिङ संसार
काठमाडौं - नेपाल राष्ट्र बैंकले ६ अर्ब रुपैयाँको ‘विकास ऋणपत्र २०८७ ख’ निष्कासन गर्ने भएको छ । यस ऋणपत्रमा ११ वर्ष अवधि तोकिएको छ । बोलकबोलको प्रक्रियाबाट ऋणपत्र बिक्री गर्न लागिएको बैंकले जनाएको छ ।
यो ऋणपत्र मंगलबार दिउँसो ३ बजे बोलकबोल गरी बुधबार जारी हुनेछ । यस विकास ऋणपत्रलाई नेपाली नागरिक, बैंक तथा वित्तीय संस्था, गैरबैंक वित्तीय संस्था, बिमा कम्पनीसहित संगठित संस्थाले खरिद गर्न पाउनेछन् । यो ऋणपत्र धितोमा राखेर कर्जा लिन दिन सकिनेछ ।
ऋणपत्रको ब्याज भुक्तानी भने प्रत्येक ६–६ महिनामा हुनेछ ।