एक्सेल डेभलपमेन्ट बैंकले सेयरधनीको खातामै पठायो १७% नगद लाभांश, नपाउनेले के गर्ने ?
![Excel Development Bank](https://blogger.googleusercontent.com/img/b/R29vZ2xl/AVvXsEh9xSDt1nvYABdqHFLzSxUhMhKSydP-1KgaZwGWYsUe4ooPyt0ZaTse6ztFMAs8zsGzRVmG31ZUDUsyHjHqKMT1Tnopm137InUxHmuTIAgIXM-TNw1F5F1r2s7ZF6NdIUsYTJCXLqzo1-mU/s640/excel.jpg)
काठमाडौं - एक्सेल डेभलपमेन्ट बैंकले १७ प्रतिशत नगद लाभांश सेयरधनीको बैंक खातामा पठाई दिएको छ । बैंकले फागुन २६ गतेसम्म डिम्याट खातासँग बैंक खाता अद्यावधिक गराएकाहरुको नगद लाभांश खातामै पठाइदिएको हो । फागुन २६ गतेपछि डिम्याट गर्नेहरुको पनि नगद खातामै जम्मा गर्ने तयारी भइरहेको बैंकले जानकारी गराएको छ ।
हालसम्म पनि आफ्नो सेयर भौतिक रुपमा राखेका सेयरधनीले भने डिम्याट गरी बैंक खाता अद्यावधिक गराएपछि मात्र लाभांश पाउने छन् । बैंकले डिम्याट नगरेका सेयरधनीलाई तत्काल सेयर डिम्याट गर्न आग्रह गरेको छ । त्यसका लागि आफूले खाता खोलेको कुनै पनि बैंक तथा वित्तीय संस्थामा डिम्याट खाता खोल्न सकिनेछ ।