महालक्ष्मी विकास बैंक र एभरेष्ट इन्स्योरेन्सबीच सम्झौता, बैंकका सबै शाखाबाट बीमा सेवा लिन सकिने
![](https://blogger.googleusercontent.com/img/b/R29vZ2xl/AVvXsEgFjq13wKtJZhJh7GO7BEax8SEfLNPS9fcmPfUTXRhp67xotcsFE-GDlsdnd9yRPUJeyPZAa4RpXhuymZQgzyrOvIwhPFFcMcZTBVbqQpQ5j0fBnOS4IiedbU7ArONWKRIFUpn1x8_TCNi3/s640/2.jpg)
काठमाडौँ - महालक्ष्मी विकास बैंक लिमिटेड र एभरेष्ट इन्स्योरेन्स कम्पनी लिमिटेडबीच सम्झौता भएको छ । सम्झौता पत्रमा आइतबार महालक्ष्मी विकास बैंकका प्रमुख कार्यकारी अधिकृत कृष्णराज लामिछाने र एभरेष्ट इन्स्योरेन्सका प्रमुख कार्यकारी अधिकृत कमल गौतमले हस्ताक्षर गरेका छन् ।
सम्झौताबाट महालक्ष्मी विकास बैंकका सम्पूर्ण शाखाहरु मार्फत सरल, सुलभ र उत्कृष्ट सेवासहित एभरेष्ट इन्स्योरेन्स कम्पनीका विभिन्न निर्जिवन बीमालेखहरु उपलब्ध हुनेछन् । साथै बिमा शुल्क भुक्तानी गर्न, बीमालेख लिन तथा बिमा दाबी भुक्तानी सहज रुपमा प्राप्त गर्न सक्ने बैंकले जनाएको छ ।