एनआइबीएल समृद्धि फन्डको प्रतिइकाई खुद सम्पति १०.८ पैसा, सेयर लगानी ७१ करोड २३ लाख
![](https://blogger.googleusercontent.com/img/b/R29vZ2xl/AVvXsEgA03ueN_0HrkbeI3XY9mGjhW-GCyRzM05iOo6D3mEW__4fJCvzj_TLzGgRSKvYKEUCcMMElih0VKgfNqfVTelhOEjI76lqu_LL9V_d4vlRpblQ9tfuxFOAOBvo3QNJun9kOR8JPOqz_aF-/s640/2.jpg)
काठमाडौं - एनआइबीएल समृद्धि फन्ड–१ को प्रतिइकाई खुद सम्पति मूल्य फागुन मसान्तमा १७ पैसाले वृद्धि भएर १० रुपैयाँ ८ पैसा पुगेको छ । अघिल्लो महिना उक्त फन्डको प्रतिइकाई खुद मूल्य ९ रुपैयाँ ९१ पैसा थियो ।
यस फन्डको सूचीकृत सेयरमा लगानी ४८ लाख ६४ हजार ५५० रुपैयाँले वृद्धि भएर ७१ करोड २३ लाख ७८ हजार ४५ रुपैयाँ पुगेको छ । अघिल्लो महिना यस फन्डले ७० करोड ७५ लाख १३ हजार ४९५ रुपैयाँ लगानी गरेको थियो ।
सबैभन्दाबढी नबिल बैंकको संस्थापक सेयरमा ३ करोड ७३ हजार ८५६ रुपैयाँ लगानी रहेको छ । यस फन्डले मुद्दति निक्षेपमा ९ करोड ५० लाख रुपैयाँ लगानी गरेको छ । अघिल्लो महिनाको तुलनामा मुद्दति निक्षेपमा कुनै परिर्वतन आएको छैन । यस्तै बैंक मौज्दात भने २३ लाख १० हजार ५९८ रुपैयाँले घटेर १४ करोड ८३ लाख ५८ हजार ६१४ रुपैयाँमा आएको छ ।