लगानीकर्ताले लिलामी सेयर अब आफ्नै प्रदेशबाट भर्न पाउने, कुन प्रदेशको कहाँ ?
![](https://blogger.googleusercontent.com/img/b/R29vZ2xl/AVvXsEgbf58H5r8m2qsdvzFF0wfQ-K9CmyO2g1Fts7926XZH3bvYmJ2oiO4HoVzM9gqPpMxAhrYmyLqh6KmCefJKuisv0lrxrumQb0DSPBFdTb3-z6d5gK2Nbip686aIb-k5Z9oo6FKlkT4KGqjG/s640/2.jpg)
काठमाडौं - उपत्यका बाहिर बसेर लिलाममा रहेको सेयर खरिद गर्न चाहने लगानीकर्ताहरुले अब काठमाडौं आउन नपर्ने भएको छ । नेपाल धितोपत्र बोर्डका अनुसार ७ वटै प्रदेशका प्रमुख स्थानबाट लिलामी सेयर भर्न सकिने व्यवस्था गरिएको हो ।
जसमा प्रदेश नं १ को विरानटनगर र विर्तामोड, प्रदेश २ को वीरगन्ज र जनकपुर, प्रदेश ३ को काठमाडौं सहित हेटौंडा र नारायणगढबाट लगानीकर्ताहरुले लिलामी सेयरमा आवेदन दिन सकिनेछ ।
यस्तै प्रदेश ४ अर्थात गण्डकी प्रदेशको पोखरा र बाग्लुङ, प्रदेश ५ को बुटवल, घोराही र नेपालगन्ज तथा प्रदेश ६ को सुर्खेत र प्रदेश ७ को धनगढी र महेन्द्रनगरबाट पनि लिलामी भर्न पाइनेछ ।
यही निर्देशन अनुसार काम गर्न मर्चेन्ट बैंकहरुलाई परिपत्र गरिएको समेत धितोपत्र बोर्डले जनाएको छ ।